Fudbaleri Lacija ubjedljivo su savladali Juventus u Torinu sa 3:0 u sedmom kolu Serije A.
Juventus je prvi zatresao mrežu, ali pogodak Randala Kola Muanija u 24. minutu nije priznat zbog ofsajda, nakon intervencije VAR-a. Domaćin tako nije stigao do prednosti, a ubrzo je uslijedila kazna na drugoj strani.
Provstgor je u 37. minutu, poslije asistencije Matije Zakanjija, doveo Lacio u vođstvo.
Bez suspendovanog Lučana Spaletija, kojeg je na klupi mijenjao Marko Domenikini, domaćin je početkom drugog poluvremena uveo Nika Voltemadea umjesto Kerima Alajbegovića. Ipak, promjene nisu donijele rezultatski odgovor.
Lacio je u 66. minutu napravio veliki korak ka pobjedi. Nuno Tavareš asistirao je Isaksenu, koji je povisio na 2:0 i dodatno otežao zadatak torinskom timu.
Juventus je potom pokušao sa Fransiskom Konseisaom i Edonom Žegrovom, ali nije uspio da smanji zaostatak. Završna riječ pripala je rezervistima gostiju: Andrea Pinamonti pronašao je Dele-Baširua, a on u 89. minutu postavio konačnih 3:0.