U pucnjavi na Kosovu danas su ubijene dvije osobe, a jedna je ranjena.
Kako prenose tamošnji mediji, sve se dogodilo u okolini Gnjilana, pri čemu se osumnjičeni predao policiji.
Pošto su došli na lice mjesta, policajci su u jednom autu pronašli beživotno tijelo muškarca starog oko 30 godina. Istovremeno, u bolnicu u Gnjilanama dovedena je žena sličnih godina, koja je takođe bila bez znakova života.
Još jedna osoba prebačena je u bolnicu sa teškim povredama, nakon čega je prebačena u Univerzitetski klinički centar u Prištini.
Kako prenosi Koha, navodno su osumnjičeni i žrtve u rodbinskim vezama, a motiv za sada nije poznat.